பரிசுத்த வேதாகமம் மத்தேயு அதிகாரம் 10 – Read Holy Bible Book Of Matthew Chapter 10 In Tamil With English Reference
1 - அப்பொழுது, அவர் தம்முடைய பன்னிரண்டு சீஷர்களையும் தம்மிடத்தில் வரவழைத்து, அசுத்த ஆவிகளைத் துரத்தவும், சகல வியாதிகளையும், சகல நோய்களையும் நீக்கவும் அவர்களுக்கு அதிகாரம் கொடுத்தார்.
English:- He Called His Twelve Disciples To Him And Gave Them Authority To Drive Out Evil Spirits And To Heal Every Disease And Sickness.
2 - அந்தப் பன்னிரண்டு அப்போஸ்தலருடைய நாமங்களாவன: முந்தினவன் பேதுரு என்னப்பட்ட சீமோன், அவன் சகோதரன் அந்திரேயா, செபெதேயுவின் குமாரன் யாக்கோபு, அவன் சகோதரன் யோவான்,
English:- These Are The Names Of The Twelve Apostles: First, Simon (Who Is Called Peter) And His Brother Andrew; James Son Of Zebedee, And His Brother John;
3 - பிலிப்பு, பர்த்தொலொமேயு, தோமா, ஆயக்காரனாகிய மத்தேயு, அல்பேயுவின் குமாரன் யாக்கோபு, ததேயு என்னும் மறுநாமமுள்ள லெபேயு,
English:- Philip And Bartholomew; Thomas And Matthew The Tax Collector; James Son Of Alphaeus, And Thaddaeus;
4 - கானானியனாகிய சீமோன், அவரைக் காட்டிக்கொடுத்த யூதாஸ்காரியோத்து என்பவைகளே.
English:- Simon The Zealot And Judas Iscariot, Who Betrayed Him.
5 - இந்தப் பன்னிருவரையும் இயேசு அனுப்புகையில், அவர்களுக்குக் கட்டளையிட்டுச் சொன்னது என்னவென்றால்: நீங்கள் புறஜாதியார் நாட்டுக்குப் போகாமலும், சமாரியர் பட்டணங்களில் பிரவேசியாமலும்,
English:- These Twelve Jesus Sent Out With The Following Instructions: "Do Not Go Among The Gentiles Or Enter Any Town Of The Samaritans.
6 - காணாமற் போன ஆடுகளாகிய இஸ்ரவேல் வீட்டாரிடத்திற்குப் போங்கள்.
English:- Go Rather To The Lost Sheep Of Israel.
7 - போகையில், பரலோகராஜ்யம் சமீபித்திருக்கிறது என்று பிரசங்கியுங்கள்.
English:- As You Go, Preach This Message: 'The Kingdom Of Heaven Is Near.'
8 - வியாதியுள்ளவர்களைச் சொஸ்தமாக்குங்கள், குஷ்டரோகிகளைச் சுத்தம்பண்ணுங்கள், மரித்தோரை எழுப்புங்கள், பிசாசுகளைத் துரத்துங்கள்; இலவசமாய்ப் பெற்றீர்கள் இலவசமாய்க் கொடுங்கள்.
English:- Heal The Sick, Raise The Dead, Cleanse Those Who Have Leprosy, Drive Out Demons. Freely You Have Received, Freely Give.
9 - உங்கள் கச்சைகளில் பொன்னையாவது, வெள்ளியையாவது, செம்பையாவது,
English:- Do Not Take Along Any Gold Or Silver Or Copper In Your Belts;
10 - வழிக்காகப் பையையாவது, இரண்டு அங்கிகளையாவது, பாதரட்சைகளையாவது, தடியையாவது தேடி வைக்கவேண்டாம்; வேலையாள் தன் ஆகாரத்துக்குப் பாத்திரனாயிருக்கிறான்.
English:- Take No Bag For The Journey, Or Extra Tunic, Or Sandals Or A Staff; For The Worker Is Worth His Keep.
11 - எந்தப் பட்டணத்திலாவது கிராமத்திலாவது நீங்கள் பிரவேசிக்கும்போது, அதிலே பாத்திரமானவன் யாரென்று விசாரித்து, நீங்கள் புறப்படுமளவும் அவனிடத்தில் தங்கியிருங்கள்.
English:- "Whatever Town Or Village You Enter, Search For Some Worthy Person There And Stay At His House Until You Leave.
12 - ஒரு வீட்டுக்குள் பிரவேசிக்கும்போது அதை வாழ்த்துங்கள்.
English:- As You Enter The Home, Give It Your Greeting.
13 - அந்த வீடு பாத்திரமாயிருந்தால் நீங்கள் கூறின சமாதானம் அவர்கள்மேல் வரக்கடவது; அபாத்திரமாயிருந்தால் நீங்கள் கூறின சமாதானம் உங்களிடத்திற்குத் திரும்பக்கடவது;
English:- If The Home Is Deserving, Let Your Peace Rest On It; If It Is Not, Let Your Peace Return To You.
14 - எவனாகிலும் உங்களை ஏற்றுக்கொள்ளாமலும், உங்கள் வார்த்தைகளைக் கேளாமலும்போனால், அந்த வீட்டையாவது பட்டணத்தையாவது விட்டுப் புறப்படும்போது, உங்கள் கால்களில் படிந்த தூசியை உதறிப்போடுங்கள்.
English:- If Anyone Will Not Welcome You Or Listen To Your Words, Shake The Dust Off Your Feet When You Leave That Home Or Town.
15 - நியாயத்தீர்ப்பு நாளிலே அந்தப் பட்டணத்திற்கு நேரிடுவதைப்பார்க்கிலும் சோதோம் கொமோரா நாட்டிற்கு நேரிடுவது இலகுவாயிருக்கும் என்று, மெய்யாகவே உங்களுக்குச் சொல்லுகிறேன்.
English:- I Tell You The Truth, It Will Be More Bearable For Sodom And Gomorrah On The Day Of Judgment Than For That Town.
16 - ஆடுகளை ஓநாய்களுக்குள்ளே அனுப்புகிறது போல, இதோ, நான் உங்களை அனுப்புகிறேன்; ஆகையால், சர்ப்பங்களைப்போல வினாவுள்ளவர்களும் புறாக்களைப்போலக் கபடற்றவர்களுமாய் இருங்கள்.
English:- I Am Sending You Out Like Sheep Among Wolves. Therefore Be As Shrewd As Snakes And As Innocent As Doves.
17 - மனுஷரைக் குறித்து எச்சரிக்கையாயிருங்கள்; அவர்கள் உங்களை ஆலோசனை சங்கங்களுக்கு ஒப்புக்கொடுத்து, தங்கள் ஜெப ஆலயங்களில் உங்களை வாரினால் அடிப்பார்கள்.
English:- "Be On Your Guard Against Men; They Will Hand You Over To The Local Councils And Flog You In Their Synagogues.
18 - அவர்களுக்கும் புறஜாதியாருக்கும் சாட்சியாக என்னிமித்தம் அதிபதிகளுக்கு முன்பாகவும், ராஜாக்களுக்கு முன்பாகவும் கொண்டுப்போகப்படுவீர்கள்.
English:- On My Account You Will Be Brought Before Governors And Kings As Witnesses To Them And To The Gentiles.
19 - அவர்கள் உங்களை ஒப்புக்கொடுக்கும்போது: எப்படிப்பேசுவோம் என்றும், என்னத்தைப் பேசுவோம் என்றும் கவலைப்படாதிருங்கள்; நீங்கள் பேசவேண்டியது அந்நேரத்தில் உங்களுக்கு அருளப்படும்.
English:- But When They Arrest You, Do Not Worry About What To Say Or How To Say It. At That Time You Will Be Given What To Say,
20 - பேசுகிறவர்கள் நீங்கள் அல்ல, உங்கள் பிதாவின் ஆவியானவரே உங்களிலிருந்து பேசுகிறவர்.
English:- For It Will Not Be You Speaking, But The Spirit Of Your Father Speaking Through You.
21 - சகோதரன் தன் சகோதரனையும், தகப்பன் தன் பிள்ளையையும், மரணத்துக்கு ஒப்புக்கொடுப்பார்கள்; பெற்றாருக்கு விரோதமாய்ப் பிள்ளைகள் எழும்பி அவர்களைக் கொலைசெய்வார்கள்.
English:- "Brother Will Betray Brother To Death, And A Father His Child; Children Will Rebel Against Their Parents And Have Them Put To Death.
22 - என் நாமத்தினிமித்தம் நீங்கள் எல்லாராலும் பகைக்கப்படுவீர்கள்; முடிவுபரியந்தம் நிலைத்திருப்பவனே இரட்சிக்கப்படுவான்.
English:- All Men Will Hate You Because Of Me, But He Who Stands Firm To The End Will Be Saved.
23 - ஒரு பட்டணத்தில் உங்களைத் துன்பப்படுத்தினால் மறு பட்டணத்திற்கு ஓடிப்போங்கள்; மனுஷகுமாரன் வருவதற்குள்ளாக நீங்கள் இஸ்ரவேல் பட்டணங்களையெல்லாம் சுற்றிமுடியாதென்று, மெய்யாகவே உங்களுக்குச் சொல்லுகிறேன்.
English:- When You Are Persecuted In One Place, Flee To Another. I Tell You The Truth, You Will Not Finish Going Through The Cities Of Israel Before The Son Of Man Comes.
24 - சீஷன் தன் போதகனிலும், வேலைக்காரன் தன் எஜமானிலும் மேற்பட்டவனல்ல.
English:- "A Student Is Not Above His Teacher, Nor A Servant Above His Master.
25 - சீஷன் தன் போதகனைப்போலவும், வேலைக்காரன் தன் எஜமானைப்போலவும் இருப்பது போதும். வீட்டெஜமானையே பெயல்செபூல் என்று சொல்வார்களானால், அவன் வீட்டாரை அப்படிச் சொல்வது அதிக நிச்சயமல்லவா?
English:- It Is Enough For The Student To Be Like His Teacher, And The Servant Like His Master. If The Head Of The House Has Been Called Beelzebub, How Much More The Members Of His Household!
26 - அவர்களுக்குப் பயப்படாதிருங்கள்; வெளியாக்கப்படாத மறைபொருளும் இல்லை; அறியப்படாத இரகசியமும் இல்லை.
English:- "So Do Not Be Afraid Of Them. There Is Nothing Concealed That Will Not Be Disclosed, Or Hidden That Will Not Be Made Known.
27 - நான் உங்களுக்கு இருளிலே சொல்லுகிறதை நீங்கள் வெளிச்சத்திலே சொல்லுங்கள்; காதிலே கேட்கிறதை நீங்கள் வீடுகளின்மேல் பிரசித்தம்பண்ணுங்கள்.
English:- What I Tell You In The Dark, Speak In The Daylight; What Is Whispered In Your Ear, Proclaim From The Roofs.
28 - ஆத்துமாவைக் கொல்ல வல்லவர்களாயிராமல், சரீரத்தை மாத்திரம் கொல்லுகிறவர்களுக்கு நீங்கள் பயப்படவேண்டாம்; ஆத்துமாவையும் சரீரத்தையும் நரகத்திலே அழிக்க வல்லவருக்கே பயப்படுங்கள்.
English:- Do Not Be Afraid Of Those Who Kill The Body But Cannot Kill The Soul. Rather, Be Afraid Of The One Who Can Destroy Both Soul And Body In Hell.
29 - ஒரு காசுக்கு இரண்டு அடைக்கலான் குருவிகளை விற்கிறார்கள் அல்லவா? ஆயினும் உங்கள் பிதாவின் சித்தமில்லாமல், அவைகளில் ஒன்றாகிலும் தரையிலே விழாது.
English:- Are Not Two Sparrows Sold For A Penny ? Yet Not One Of Them Will Fall To The Ground Apart From The Will Of Your Father.
30 - உங்கள் தலையிலுள்ள மயிரெல்லாம் எண்ணப்பட்டிருக்கிறது.
English:- And Even The Very Hairs Of Your Head Are All Numbered.
31 - ஆதலால், பயப்படாதிருங்கள்; அநேகம் அடைக்கலான் குருவிகளைப் பார்க்கிலும் நீங்கள் விசேஷித்தவர்களாயிருக்கிறீர்கள்.
English:- So Don't Be Afraid; You Are Worth More Than Many Sparrows.
32 - மனுஷர் முன்பாக என்னை அறிக்கை பண்ணுகிறவன் எவனோ, அவனை நானும் பரலோகத்திலிருக்கிற என் பிதாவின் முன்பாக அறிக்கைப் பண்ணுவேன்.
English:- "Whoever Acknowledges Me Before Men, I Will Also Acknowledge Him Before My Father In Heaven.
33 - மனுஷர் முன்பாக என்னை மறுதலிக்கிறவன் எவனோ, அவனை நானும் பரலோகத்திலிருக்கிற என் பிதாவின் முன்பாக மறுதலிப்பேன்.
English:- But Whoever Disowns Me Before Men, I Will Disown Him Before My Father In Heaven.
34 - பூமியின்மேல் சமாதானத்தை அனுப்பவந்தேன் என்று எண்ணாதிருங்கள்; சமாதானத்தையல்ல, பட்டயத்தையே அனுப்பவந்தேன்.
English:- "Do Not Suppose That I Have Come To Bring Peace To The Earth. I Did Not Come To Bring Peace, But A Sword.
35 - எப்படியெனில், மகனுக்கும் தகப்பனுக்கும், மகளுக்கும் தாய்க்கும், மருமகளுக்கும் மாமிக்கும் பிரிவினை உண்டாக்க வந்தேன்.
English:- For I Have Come To Turn " 'A Man Against His Father, A Daughter Against Her Mother, A Daughter-in-law Against Her Mother-in-law--
36 - ஒரு மனுஷனுக்குச் சத்துருக்கள் அவன் வீட்டாரே.
English:- A Man's Enemies Will Be The Members Of His Own Household.'
37 - தகப்பனையாவது தாயையாவது என்னிலும் அதிகமாய் நேசிக்கிறவன் எனக்குப் பாத்திரன் அல்ல; மகனையாவது மகளையாவது என்னிலும் அதிகமாய் நேசிக்கிறவன் எனக்குப் பாத்திரன் அல்ல.
English:- "Anyone Who Loves His Father Or Mother More Than Me Is Not Worthy Of Me; Anyone Who Loves His Son Or Daughter More Than Me Is Not Worthy Of Me;
38 - தன் சிலுவையை எடுத்துக்கொண்டு என்னைப் பின்பற்றாதவன் எனக்குப் பாத்திரன் அல்ல.
English:- And Anyone Who Does Not Take His Cross And Follow Me Is Not Worthy Of Me.
39 - தன் ஜீவனைக் காக்கிறவன் அதை இழந்து போவான்; என்னிமித்தம் தன் ஜீவனை இழந்துபோகிறவன் அதைக் காப்பான்.
English:- Whoever Finds His Life Will Lose It, And Whoever Loses His Life For My Sake Will Find It.
40 - உங்களை ஏற்றுக்கொள்ளுகிறவன் என்னை ஏற்றுக்கொள்ளுகிறான்; என்னை ஏற்றுக்கொள்ளுகிறவன் என்னை அனுப்பினவரை ஏற்றுக்கொள்ளுகிறான்.
English:- "He Who Receives You Receives Me, And He Who Receives Me Receives The One Who Sent Me.
41 - தீர்க்கதரிசி என்னும் நாமத்தினிமித்தம் தீர்க்கதரிசியை ஏற்றுக்கொள்ளுகிறவன் தீர்க்கதரிசிக்கேற்ற பலனை அடைவான்; நீதிமான் என்னும் நாமத்தினிமித்தம் நீதிமானை ஏற்றுக்கொள்ளுகிறவன் நீதிமானுக்கேற்ற பலனை அடைவான்.
English:- Anyone Who Receives A Prophet Because He Is A Prophet Will Receive A Prophet's Reward, And Anyone Who Receives A Righteous Man Because He Is A Righteous Man Will Receive A Righteous Man's Reward.
42 - சீஷன் என்னும் நாமத்தினிமித்தம் இந்தச் சிறியரில் ஒருவனுக்கு ஒருகலசம் தண்ணீர் மாத்திரம் குடிக்கக் கொடுக்கிறவனும் தன் பலனை அடையாமற்போகான் என்று மெய்யாகவே உங்களுக்குச் சொல்லுகிறேன் என்றார்.
English:- And If Anyone Gives Even A Cup Of Cold Water To One Of These Little Ones Because He Is My Disciple, I Tell You The Truth, He Will Certainly Not Lose His Reward."
